حياة الدنيا: منهي الدنيا بغيابي ؟!

الإهداء:
لهذا اليوم 10 / 7 / 2008 م

حياة الدنيا : لك َ رديت !

ابتذكر تفاصيل الشقا والحب

ابد ما احتجت لك في يوم وتعنيت !

أنا علمني غيابك كثير أشياء

وبعد الموت.. أنا تقوّيت !

شوي اشتقت .. وبعد حنيّت ..

انا لأجل الوفاء رديت !

أبد ماهزني طيفك ، بليل وجيت !

مثل كل مره ملهوفه .. اطق بابك

وأدري فيك مارديت.. واطق اقوى !

واطق اقوى

وارد اطق حتى الصبح !

ولا حتى رجعت وجيت !

ابد مو لك َ .. انا رديت !

انا فبالي كثير اشياء ..

حشمت عيوني عن فعلك َولا اهتميت !

أبي بس أسألك واروح: ماحسيت ؟

ولا مريت في بالك مساءء هاليوم !!

ولا تذكرت شيـ(ن) صار ؟

بداية شيء .. نهاية شيء

كثير اسرار ؟

وحب كان من نظره

وبدأ مع نبضنا بشويش !

تجي مع فارق التوقيت ..مثل هاليوم : بس العام ؟

أبي اقرأ عليك اليوم /شهر: سبعة

وهذا اليوم به: عشره !

أبد ماهزك التاريخ ؟

ولا تأثرت من عَشره هواي وماضي سنيني !

ولا تذكرت ..

بأنه كان لك انثى ومازالت

تحس ّ وتشعر بإلهام !

وأبي اسألك : قلبك وين ؟

معك قلب(ن) يحبك حيل !

وهو معها ؟!

امانه وين ؟

مثل هاليوم ياظالم
بدأ ميلاد
ومتنا بعاد
بنفس اليوم والتاريخ
والنظرة هي النظرة
شهر سبعه
خميس فات به عَشره !
وماتت بيننا العِشره ..



وهذا أنت َ ..
ابد ما لنت
ذكرت الكل بغيابي
واتعمّدت تنسآني !
وتتركني وتجفاني
وأموت ببطء وبحسره !
وانا اللي كنت َ لك دنيا ..
نسيت الناس "كل الناس"
و اتعمدت ما انسى :
يديك وفجرك وعطرك !



أبي أنساك
أبي ابدأ حياتي بدونها ذكراك
عجزت أتحملك
واتحمل ابعادك وهمّ ذكراك !
عجزت اهواك
واتحداك !
واتأملك .. في صوره
رسمها قلبي الطاهر
اشوف الفرق في ذاك الملاك وصورتك بالذات !

نسيت الحب دون عيون !
نسيت ان الهوى مجنون !
نسيت أزعل ودوم اقول: حبيبي يمون !


وطاح الحمل ما اقوى عليه ولا قويت اقوى
بدون الحب ما أقوى !
أنا ادري فيك
متغرّب ..ورجعت تروح تتغرب !
ولاتدري
بحال القلب والتاريخ والنظره !
بنفس اليوم والتاريخ والعشره !



تبي اترجاك ؟؟
بحق اللي جمعنا بليل وبتاريخنا اللي فات ؟؟
أبد ما بيك !
أنا جيت اسألك وأروح:
امانه ليه ؟ضيّعت السنين بحوسة افكارك
وصمتك ليه ؟
وذاك العشق في قلبك : تبخر ليه ؟
عشان الصيف ؟
والا الخوف ؟
وآخر شيء
حياة الدنيا ماجاوبت: منهي الدنيا بغيابي ؟؟

july10,2009